EQUO Galicia aposta pola confluencia

EQUO Galicia celebrou o 11 de Xullo a 1ª Asemblea Nacional Ordinaria de 2015.

A Asemblea Nacional de EQUO Galicia decidiu apostar de xeito prioritario pola confluencia con outras forzas de esquerda e coa cidadanía organizada en plataformas similares ás «mareas» destas pasadas municipais, que tan boa resposta obtiveron da cidadanía. A urxencia do momento fai de todo imprescindible a necesidade de manter o traballo conxunto en opcións electorais que permitan cambios efectivos nas institucións: Outra sociedade é posible!

Dentro deste escenario, a opinión maioritaria da Asemblea é a da busca dunha confluencia galega como principal priridade, con forzas do país para tratar de aglutinar a enerxía das confluencias nas mareas e proxectos en común das municipais. Semella quizais máis doado subir do local ao supramunicipal deste xeito, aproveitando o traballo de xenerosidade e confluencia feito nas municipais. Desde xa estamos a traballar neste obxectivo.

Todas as persoas afiliadas e simpatizantes de EQUO Galicia poden consultar a acta completa da Asemblea na Equomunidade.

EQUO Galicia denuncia o desleixo da Xunta en materia de incendios

En risco, unha vez máis, o patrimonio natural galego, as nosas vidas e o noso propio futuro

EQUO Galicia considera atentados ecolóxicos todos os incendios provocados en Galicia, sobre todo aqueles que afectaron a cerca de 700 ha da rede Natura, e insta á Xunta a non escatimar medios para atopar aos culpables que vagan impunemente polos nosos montes.

Consideramos o incendio provocado de Navia de Suarna, de 431 hectáreas, unha das peores catástrofes naturais dos últimos 5 anos. Ademais supón un atentado directo contra o oso de Galicia e foi presuntamente perpetrado polos sectores máis críticos coa súa volta. Todo isto amparado polo atraso da Xunta de Galicia en aprobar o Plan de recuperación desta especie en perigo de extinción.

Cremos que a función básica de prevención non se está a levar a cabo. A falla de vixilancia desas zonas de gran valor ecolóxico e Rede Natura, como Ancares, Courel e Xurés, está producindo que se vexan afectadas indiscriminadamente por incendios provocados polos que os seus causantes deberían ser perseguidos. Non buscar solución aos verdadeiros motivos polos que se provocan os lumes está a arruinar o futuro de moitas comarcas xa afectadas polo despoboamento e a falla de oportunidades.

Lembremos que levamos cerca de 700 hectáreas queimadas da rede Natura.

Outros incendios, como os recentes da contorna de Ourense están ademais poñendo en grave perigo non só a natureza senón a vida das persoas.

Dende EQUO esiximos á Xunta que destine medios aos labores de vixilancia e á investigación destes verdadeiros atentados contra a nosa terra. É básico non esquecer os labores de prevención e a limpeza de devasas nos meses previos á tempada de risco de incendios.

Aínda que moitas veces o goberno da Xunta desvía as súas responsabilidades dicindo que os incendios son provocados a horas onde os medios aéreos non poden actuar, cremos que moitas veces, como neste caso do lume de Navia de Suarna que se produciu oficialmente ás 17:27 h, existían moitas posibilidades de que con vixilancia se tivera evitado o desastroso resultado.

Foto do resultado dos lumes na zona de Palmés, Concello de Ourense Foto do resultado dos lumes na zona de Palmés, Concello de Ourense

O resultado dos lumes destes días na parroquia de Palmés, Ourense.
(Fotos de Carlos Sanmiguel https://twitter.com/paritoazul)

Apoio ás Marchas da Dignidade do 24-O na súa presentación en Compostela

A rolda de prensa e presentación de hoxe, 29 de xullo, da nova mobilización que as MARCHAS DA DIGNIDADE levarán a cabo o sábado 24 de outubro nas rúas de Compostela contou coa presenza e apoio de representantes de EQUO Galicia.

Baixo o lema «Pan, traballo e teito», Santiago acollerá esta nova mobilización das Marchas, que culminará na Praza do Obradoiro.  EQUO forma parte dos colectivos  e organizacións que integran as Marchas da Dignidade.

Maís información:

http://marchasdadignidade.blogspot.com.es

Foto da presentación de hoxe das Marchas da Dignidade